Sämikielâi káidusmáttááttâs piiloothaahâ áávvud Säämi aalmugpeeivi 6.2. já uárnee virtuaallijd oppâtiijmijd 4.-6.2.2025. Oppâtijmeh láá kulmâ, já toi fáddán lii Säämi já ton siijdah. Tavesämikielân kuullâp Kärigâsnjaargâst, anarâškielân Njellimist já nuorttâlâškielân Čevetjäävrist já Suennjelist.

Oppâtijmeh láá uáivildum eromâšávt sämipárnáid já -nuoráid, mutâ tijmijd pyehtih uásálistiđ puohah, kiäh láá kiddiistum sämikieláid já sämikulttuurân. Tijmijd puáhtá uásálistiđ jieškote-uv uáppee jiečânávt tâi oles luokka puáhtá uásálistiđ siämmáá puudân oovtâst ohtsii piergâsijn. Máttááttâs lii iänááš sämikielân (anarâš-, nuorttâlâš- tâi tavesämikielâ), suomâkielâ lii toorjâkiellân.
Tiijmijd puáhtá čuávvuđ njuolgâ vuolgâttâssân spokkâlmáin servâmliiŋkâid. Tiijmijd puáhtá čuávvuđ nuuvtá ige taarbâš almottâttâđ muuneeld. Tiijmij ääigi lii meid máhđulâš koijâdiđ já savâstâllâđ chatist.
Majebargâ 4.2. tme 9.00–9.45
Kärigâsnjargâ
Kielâ: Tavesämikielâ
Máttáátteijen Ritni Ráste Pieski
Servâmliŋkkâ (Microsoft Teams): https://tinyurl.com/dsmavoin
Koskokko 5.2. tme 9.00–9.45
Njellim
Kielâ: Anarâškielâ
Máttáátteijeen Teija Tamminen
Servâmliŋkkâ (Microsoft Teams): https://tinyurl.com/asmavoin
Tuorâstâh 6.2. tme 9.00–9.45
Čevetjävri ja Suennjel
Kielâ: Nuorttâlâškielâ
Máttáátteijen Sirkka Sanila
Servâmliŋkkâ (Microsoft Teams): https://tinyurl.com/nsmavoin
Pyeri puáttim! Bures boahtin! Tiõrv pueʹttem! Tervetuloa!
Lasetiäđuh:
Hanna Helander, hahâhovdâ
040 701 2094
Anne Olli, hahâkoordinaattor
040 687 5989
Säämi aalmugpeivi ávuduvvoo jyehi ive kuovâmáánu 6. peeivi. Ávutuáluh láá ärbivuáválávt sierâ kuávluin Säämist já meid Säämi ulguubeln.
Comments